fake currency coming out of atm machine in Pakistan

لاہور( قدرت نیوز) بعض بینکوں کی اے ٹی ایم سے جعلی نوٹ نکلنے شروع ہوگئے جس سے صارفین کو پریشانی کا سامنا کرنا پڑرہا ہے اس حوالے سے صارفین اے ٹی ایم والے بینکوں سے رابطہ کرکے شکایات درج کرارہے ہیں لیکن ان کی کوئی داد رسی نہیں ہورہی ہے صارفین نے سٹیٹ بینک سے اپیل کی ہے کہ جن بینکوں کی اے ٹی ایم سے جعلی نوٹ نکل رہے ہیں ان کے خلاف کارروائی عمل میں لائی جائے مقامی کمپنی کے ملازم گوہر بٹ نے بتایا کہ انہوںنے ایک نجی بینک کی اے ٹی ایم سے 20ہزار روپے نکلوائے جس میں سے ہزار روپے مالیت کے دو نوٹ جعلی نکل آئے انہوںنے بتایا کہ وہ متعلقہ اے ٹی ایم بینک کے منیجر کے پاس گئے تو انہوںنے یہ کہہ کر ٹرخایا کہ اے ٹی ایم سے نکلے جعلی نوٹ کا کوئی کلیم نہیں ہوسکتا ذرائع کا کہنا ہے کہ بعض بینکوں کے کیشیئر اور اے ٹی ایم کی دیکھ بھال کرنے والا عملہ جعلی نوٹ تقسیم کرنے والوں سے ملا ہوا ہے